ತಾಯಿಯ ಮಡಿಲು

 

    


ತಾಯಿಯ ಮಡಿಲು


ನನ್ನ ತಾಯಿ ನನ್ನನ್ನು ಈ ಜಗತ್ತಿಗೆ ಪರಿಚಯಿಸಿ 23,515 ದಿನಗಳಾಗಿವೆ ನಾನು ಹಸಿ ಕಂದಾಗಿ ನನ್ನ ತಾಯಿಯ ಮಡಿಲಲ್ಲಿ ಮಲಗಿದ ದಿನಗಳು ನನಗೆ ನೆನಪಿಲ್ಲ. ಆದರೆ, ಕಳಾಶಾಲೆಯಲ್ಲಿ  ಓದುವಾಗಲೂ ಸಹಾ, ಒಂದು ದಿನ ನನ್ನ ತಾಯಿಯ ಮಡಿಲಲ್ಲಿ ಮಲಗಿದ ಮಧುರ ಕ್ಷಣಗಳು ನನ್ನ ಮನದಂಗಳದಲ್ಲಿ ಯಾವಾಗಲೂ ಹಚ್ಚಹಸಿರಾಗಿ ಉಳಿದಿರುತ್ತವೆ. ಆ ಮಧುರ ಕ್ಷಣಗಳನ್ನು ನಿಮ್ಮೊಡನೆ ಹಂಚಿಕೊಳ್ಳುತ್ತಿದ್ದೇನೆ. 


ನನ್ನ ಕಿರಿಯ ತಂಗಿ ಹುಟ್ಟಿದ್ದು 11-12-1971. ಆಗ ನಾವು ವಾಸಮಾಡುತ್ತಿದ್ದು ಆಂಧ್ರಪ್ರದೇಶದ, ಅನಂತಪುರ ಜಿಲ್ಲೆಯ, ಗುತ್ತಿ ಎನ್ನುವ ಊರಿನಲ್ಲಿ. ಗುತ್ತಿ ಯಲ್ಲಿ  ಕಳಾಶಾಲೆ ಇಲ್ಲದಿರುವ ಕಾರಣ, 30 ಕಿಲೋ ಮೀಟರ್ ದೂರದಲ್ಲಿರುವ ಗುಂತಕಲ್ ಎನ್ನುವ ಊರಿನಲ್ಲಿರುವ ಪ್ರಭುತ್ವ ಕಳಾಶಾಲೆಯಲ್ಲಿ ಇಂಟರ್ಮೀಡಿಯೇಟ್ ಓದುತ್ತಿದ್ದೆ. ಪ್ರತಿ ದಿನವೂ ರೈಲಿನಲ್ಲಿ ಓಡಾಡುತ್ತಿದ್ದೆ. ಆ ಸಮಯದಲ್ಲಿ,  18-12-1971 ದಿನಾಂಕ, ಕಳಾಶಾಲೆಯಲ್ಲಿದ್ದಾಗಲೇ, ಜ್ವರ ಬಂದಿತ್ತು. ಮೈ ಸುಡುತ್ತಿತ್ತು. ಸಂಜೆ ಗುಂತಕಲ್ ನಿಂದ ಗುತ್ತಿಗೆ ಯಥಾಪ್ರಕಾರ 9 ಮೆಯಿಲ್ ರೈಲಿನಲ್ಲಿ ಬಂದೆ. ಮನೆ ತಲುಪಿದಾಗ ಸುಮಾರು 7-30 ಘಂಟೆ ಆಗಿತ್ತು. ನನ್ನ ತಾಯಿ 8 ದಿನದ ಬಾಣಂತಿ. ಆಗಿನದಿನಗಳಲ್ಲಿ ತುಂಬಾ ಮಡಿ ಆಚಾರ ಇರ್ತಿತ್ತು. ನಾನು ಮನೆಗೆ ಬಂದವನು, ಸೀದಾ ನನ್ನ ತಾಯಿ ಇರುವ ಕೋಣೆ ನುಗ್ಗಿದೆ. ನನ್ನ ತಾಯಿ ತೊಟ್ಟಿಲು ತೂಗುತ್ತಾ ಪದ್ಮಾಸನ ಹಾಕಿಕೊಂಡು ಕುಳಿತಿದ್ದಳು. ನನ್ನ ಹೆಗಲಲ್ಲಿದ್ದ ಪುಸ್ತಕ ಸಂಚಿಯನ್ನು ಬಿಸಾಕಿ, ನನ್ನ ತಾಯಿಯ ಮಡಿಲಲ್ಲಿ ತಲೆಯಿಟ್ಟು ಮಲಗಿದೆ. ನನ್ನ ತಾಯಿಯ ಕೈಗಳು ನನ್ನ ತಲೆಕೂದಲನ್ನು ಸವರುತ್ತಿದ್ದಾಗ ನನ್ನ ಜ್ವರ ಮಂಗಮಾಯ ಆದಂತೆ ಅನಿಸಿತು. 

********

ಮೇ ತಿಂಗಳು 1ನೇ ತಾರೀಖು ನನ್ನ ಜೀವನದಲ್ಲಿ ಮರೆಯಲಾಗದ ದಿನ. ಜ್ವರ ಬರುತ್ತಿರುವ ನನ್ನ ತಾಯಿಯನ್ನು ನೋಡಲು ಮನಸ್ಸಾಗಿ, 2015 ಏಪ್ರಿಲ್ 30 ಸಂಜೆ  ಮಂಗಳೂರಿನಿಂದ ಅನಂತಪುರಕ್ಕೆ  ಹೊರಟೆ.  ನಾನು ಮಗತನಿದ್ದೆಯಲ್ಲಿದ್ದೆ. ಹಠಾತ್ತನೆ, ನನ್ನ ತಾಯಿ ನನ್ನ ಕೆನ್ನೆಯನ್ನು ತನ್ನ ಕೈಯಲ್ಲಿ ಸವರಿ ವೆಂಕಟೂ ಎಂದು ಕರೆದಹಾಗೆ ಅನಿಸಿತು. ಎಚ್ಚರವಾಗಿ ನೋಡಿದರೆ ಬೆಳಿಗ್ಗೆ 6-30 ಘಂಟೆ ಸಮಯವಾಗಿತ್ತು.

ಬಸ್ಸು ಬಳ್ಳಾರಿ ಹೊರವಲಯದಲ್ಲಿ ಬರುತ್ತಿತ್ತು. 7ಘಂಟೆಗೆ ಬಸ್ಸು ಬಳ್ಳಾರಿ ನಿಲ್ದಾಣ ಸೇರುತ್ತಿದ್ದಾಗ , ನನ್ನ ಕೊನೆಯ ತಮ್ಮನಿಂದ ಫೋನ್ ಬಂತು, ಎಲ್ಲಿದ್ದೀಯ ಅಣ್ಣಾ ಎಂದು. ಅಮ್ಮನ ನೋಡುವ ಮನಸ್ಸಾಯಿತು, ಊರಿಗೆ ಬರುತ್ತಿದ್ದೇನೆ ಎಂದು ಹೇಳಿದೆ.  ಇನ್ನೆಲ್ಲಿ ಅಮ್ಮ,  ಈಗಷ್ಟೇ 6-30 ಘಂಟೆಗೆ ಮರಣ ಹೊಂದಿದ್ದಾಳೆ ಎಂದು ತಮ್ಮ ಹೇಳಿದ. ಅಂದರೆ, ನನ್ನ ತಾಯಿ ಇಹಲೋಕ ತ್ಯಜಿಸುವ ವೇಳೆಯಲ್ಲಿ ಸಹಾ, ನನ್ನ ಮಾತಾಡಿಸಿ, ಕೈ ಯಿಂದ ಕೆನ್ನೆ ಸವರಿ ಹೋಗಿದ್ದಾರೆ😢😢

********

ಈ ಭೂಮಿತಾಯಿಯ ಮಡಿಲಿನಿಂದ, ನನ್ನ ಪ್ರೀತಿಯ ತಾಯಿಯ ಮಡಿಲು ಸೇರಬೇಕೆಂದು ತುಂಬಾ ಸಲ ಅನ್ನಿಸುತ್ತದೆ. 

ಅಲ್ಲಿಯತನಕ, ಪ್ರತಿದಿನವೂ ನನ್ನ ಮಟ್ಟಿಗೆ ಮಾತೃದಿನೋತ್ಸವವೇ 


Comments

  1. UnknownMay 11, 2021 at 1:28 AM

    It's very hard to digest the absence of mother. Your experiences and memories are really heart touching Pinnappa. 😢😢

    ReplyDelete
  2. Venkata Narayana RaoMay 11, 2021 at 2:40 AM

    Thanks Padma. This is just beginning. Many more to come. Manu, Varu, Sairam, Soumya have encouraged me to have a blogspot. Manu only opened this blogspot.

    I am inclined to recollect all my life experiences, whether good or bad or scary and upload. This is nothing but my Autobiography.

    Whenever, I upload, I'll inform you. I'll start right from my childhood, probably from the age of 5 years.

    ReplyDelete

Post a Comment

Popular posts from this blog

ಆರು ದಶಕಗಳ ಹಿಂದೆ ಕಣ್ಮರೆಯಾದ ನನ್ನ ತಮ್ಮನ ನೆನಪು

Image
ನನಗೆ ಇನ್ನೊಬ್ಬ ತಮ್ಮ ಇದ್ದ. ಅವನ ಹೆಸರು ಶ್ರೀನಿವಾಸ ರಾವ್. ನಾನು ಸೀನೂ ಎಂದು ಕರಿಯುತ್ತಿದ್ದೆ. ಅವನು ಹುಟ್ಟಿದ್ದು 25-10-1960. ವಿಧಿಯ ಆಟ ಹೇಗಿತ್ತೆಂದರೆ, 3-10-1962 ದಿನಾಂಕ ಅವನಿಗೆ ಇನ್ನೂ ಎರಡು ವರ್ಷ ಸಹಾ ತುಂಬಿರಲಿಲ್ಲ,  ಬಟಾಣಿ ತಿನ್ನುತ್ತಿದ್ದಾಗ ಒಂದು ಬಟಾಣಿ ಕಾಳು ಗಂಟಲಿನಲ್ಲಿ ಸಿಕ್ಕಿ ಕೊಂಡು ಕೊನೆ ಉಸಿರು ಬಿಟ್ಟನಂತೆ. ಆಗ ನಮ್ಮ ತಂದೆಯವರು ಸಹಾ ಕಚೇರಿ ಕೆಲಸದ ನಿಮಿತ್ತ ಹತ್ತಿರದ ಒಂದು ಹಳ್ಳಿಗೆ ಹೂಗಿದ್ದರಂತೆ.  ಮನೆ ಹತ್ತಿರದ ಪ್ರೈಮರಿ ಶಾಲೆ ಮುಂದೆ ಇರುವ ಸಿದ್ದಪ್ಪ ಮಾಸ್ತರರ ಮನೆಯಲ್ಲಿದ್ದ ನನ್ನ,  ನಿನ್ನ ತಮ್ಮ ಸತ್ತು ಹೋಗಿದ್ದಾನೆ, ಮನೆಗೆ ಬಾ ಎಂದು ನಮ್ಮ ಮನೆ ನೌಕರ ನಾಗಪ್ಪ ಕೂಗಿದ್ದು ಈಗಲೂ ನನ್ನ ಕಿವಿಯಲ್ಲಿ ಪ್ರತಿಧ್ವನಿಸುತ್ತಿದೆ.   ಕಂಕುಳಲ್ಲಿ ಹಲಗೆ ಇಟ್ಟುಕೊಂಡು ಮನೆಗೆ ಬಂದಿದ್ದ ದಾರಿ, ನಮ್ಮ ತಾಯಿ ಅಳುತ್ತಿರುವ ಸನ್ನಿವೇಶ ನನಗೆ ಈಗಲೂ ನೆನಪಿದೆ. ನನಗೆ ಆಗ 6 ವರ್ಷ ತುಂಬುವುದಕ್ಕೆ ಇನ್ನೂ 79 ದಿನಾ ಉಳಿದಿತ್ತು. ನನ್ನದು ಸಹಾ ಹುಟ್ಟು, ಸಾವು ಏನೆಂದೇ ಗೊತ್ತಿಲ್ಲದ ವಯಸ್ಸು. ಅಮ್ಮ ಯಾಕೆ ಅಳುತ್ತಿದ್ದಾಳೆ ಎನ್ನುವುದು ಗೊತ್ತಾಗಿರಲಿಲ್ಲ. ಅಮ್ಮನನ್ನು ನೋಡಿ ನಾನು ಸಹಾ ಅತ್ತುಬಿಟ್ಟೆ ಅಷ್ಟೇ. ವಿಪರ್ಯಾಸವೆಂದರೆ, ನನ್ನ ತಮ್ಮನ ಫೋಟೋ ಒಂದೇ ಒಂದು ಸಹಾ ಮನೇಲಿ ಇಲ್ಲಾ. ಆದರೆ, ನನ್ನ ಕಣ್ಣಿನ ಕೆಮೆರಾ ಸೆರೆ ಹಿಡಿದ ಅವನ ಮುದ್ದಿನ ಚಹರೆ ಈಗಲೂ ನನ್ನ ಹೃದಯ ಪಟದ ಮೇಲೆ ...
Read more

ಕನ್ನಡ ಓದಲು ಬರೆಯಲು ಕಲಿತಿದ್ದು ಹೇಗೆ

Image
  ಕನ್ನಡ ಓದಲು ಬರೆಯಲು ಕಲಿತಿದ್ದು ಹೇಗೆ ನಾನು ಕರ್ನಾಟಕ ರಾಜ್ಯದ ಪುಣ್ಯ ಭೂಮಿ ಮೇಲೆ ನೆಲೆಸಿ ೩೯ ವರ್ಷಗಳಾಯಿತು ಎಂದು,  ನಿನ್ನೆಯಷ್ಟೇ ಬ್ಲಾಗ್ ಮೂಲಕ ನಿಮ್ಮೊಂದಿಗೆ ಇಲ್ಲಿ ಹಂಚಿಕೊಂಡೆ. ನನ್ನ ಬರವಣಿಗೆಯ ಬಗ್ಗೆ ಪ್ರತಿಕ್ರಿಯುಸುತ್ತಾ, ನಾನು ಕನ್ನಡ ಓದಲು ಬರೆಯಲು ಕಲಿತಿದ್ದು ಹೇಗೆಂದು ವಿವರಿಸಬೇಕೆಂದು, ನನ್ನ ಸೋದರ ಸಮಾನರು, ನನ್ನ ಇಲಾಖೆಯ ಅಧಿಕಾರಿಯೂ ಆಗಿದ್ದ, ಶ್ರೀ ಭರತ್ ರಾಜ್ ಅವರು ಕೇಳಿದರು.  ೨೬-೫-೧೯೮೨ ದಿನಾಂಕ ನಾನು ದಾವಣಗೆರೆಗೆ ಬಂದಮೇಲೆ, ಬಿಡುವಿನ ವೇಳೆಯಲ್ಲಿ ಕಾಲಕಳೆಯಲು  ಕನ್ನಡ ದಿನಪತ್ರಿಕೆಗಳು ಓದಲು ಶುರು ಮಾಡಿದೆ. ಕಾಲಕ್ರಮೇಣ, ಅದು ವಾರಪತ್ರಿಕೆ, ಮಾಸಪತ್ರಿಕೆ ಓದುವ ಹವ್ಯಾಸವಾಗಿ ಪರಿವರ್ತಿಸಿತು. ಕನ್ನಡ ಚೆನ್ನಾಗಿ ಓದಲು ಕಲಿತಿದ್ದೆ. ಆದರೆ, ಕನ್ನಡ ಬರೆಯಲು ಪ್ರಯತ್ನ ಮಾಡಿರಲಿಲ್ಲ.  ಅವಕಾಶ ಒದಗಿ ಬಂದಿರಲಿಲ್ಲ. ಹೀಗಿರುವಾಗ,೧೯೮೫ ಮೇ ತಿಂಗಳ ತುಷಾರ ಮಾಸ ಪತ್ರಿಕೆ ಯಲ್ಲಿ, ಶ್ರೀಮತಿ ಅನಸೂಯ ಕಡಕೋಳ ಅವರು ಬರೆದ ಮುಟ್ಟು ಎನ್ನುವ ಕಥೆ ಮುದ್ರಿತ ವಾಗಿತ್ತು. ಆ ಕಥೆ, ಯಾವುದೋ  ಕುಗ್ರಾಮದಲ್ಲಿ ನಡೆದಿರುವ ಒಂದು ನೈಜ ಘಟನೆ ಆಧಾರಿತ ಎಂದು ಹೇಳಲಾಗಿತ್ತು. ಆ ಕಥೆಯಲ್ಲಿ ಹೇಳಿರುವ ಕೆಲವು ಘಟನೆಗಳು, ಅಭೂತ ಕಲ್ಪನೆ ಆಗಿರಬಹುದು ಎಂದು ನನಗೆ ಅನಿಸಿತ್ತು. ಈ ವಿಷಯವಾಗಿ, ನನ್ನ ಸಹೋದ್ಯೋಗಿ ಶ್ರೀ ಕಣಜನಹಳ್ಳಿ ಚಂದ್ರಶೇಖರ್ ಅವರ ಜೊತೆ ಚರ್ಚೆ ಮಾಡುವಾಗ, ನನ್ನ ಅನಿಸಿಕೆಯನ್ನು, ಪ್ರತಿಕ್ರಿಯ...
Read more

ಮಾವಿನ ಉಪ್ಪಿನಕಾಯಿ ತಯಾರಿಸುವ ವಿಧಾನ

Image
  ಮಾವಿನ ಕಾಯಿ.  - 15 ಸಾಸಿವೆ            -200 ಗ್ರಾಂ ಮೆಂತ್ಯ.           - 3 ಸ್ಪೂನ್ ಉಪ್ಪು.           -200 ಗ್ರಾಂ ಮೆಣಸಿನ ಪುಡಿ-200 ಗ್ರಾಂ ಎಳ್ಳೆಣ್ಣೆ.          1 ಲೀಟರ್ ಮೊದಲು, ಮಾವಿನ ಕಾಯಿಯನ್ನು ಚೆನ್ನಾಗಿ ತೊಳೆದು, ಒಣ ಬಟ್ಟೆಯಿಂದ ಒರೆಸಿ, ಹೋಳು ಮಾಡಿಕೊಳ್ಳಬೇಕು.  ಸಾಸಿವೆ ಮತ್ತು ಮೆಂತ್ಯನ್ನು ಬಾಣಲೆಯಲ್ಲಿ (ಎಣ್ಣೆ ರಹಿತ) ಹುರಿದು, ಮಿಕ್ಸಿಯಲ್ಲಿ ಪುಡಿ ಮಾಡಿಕೊಳ್ಳಬೇಕು.  ಮಾವಿನ ಕಾಯಿ ಹೋಳನ್ನು ಪಾತ್ರೆಯಲ್ಲಿ ಹಾಕಿ, ಸಾಸಿವೆ ಮೆಂತ್ಯ ಪುಡಿ, ಮೆಣಸಿನ ಪುಡಿ, ಉಪ್ಪು ಮತ್ತು ಎಳ್ಳೆಣ್ಣೆಯನ್ನು ಹಾಕಿ ಚೆನ್ನಾಗಿ ಕಲಸಬೇಕು. ಇದಕ್ಕೆ ನೀರು ತಗಿಲಸಬಾರದು. ಈ ಮಿಶ್ರಣವನ್ನು ದಿನಕ್ಕೆರಡು ಬಾರಿ ಚೆನ್ನಾಗಿ ಕಲಿಸುತ್ತಾ, ಎರಡು ದಿನ ಅದೇ ಪಾತ್ರೆಯಲ್ಲಿ ಇಟ್ಟು, ರುಚಿ ನೋಡಿದಾಗ, ಏನಾದರೂ ಕಡಿಮೆ ಅನಿಸಿದರೆ, ಸೇರಿಸಿ,  ರುಚಿಯನ್ನು ಸರಿಪಡಿಸಿ, ಉಪ್ಪಿನಕಾಯಿಯನ್ನು ಬೇರೆ ಗಾಜಿನ ಬಾಟಲಿಯಲ್ಲಿ ಅಥವಾ, ಜಾಡಿಯಲ್ಲಿ ಪ್ರತ್ಯೇಕವಾಗಿ ಇಟ್ಟುಕೊಳ್ಳಬೇಕು. ಇದು ನೀರಿನ ಸಂಪರ್ಕಕ್ಕೆ ಬರಬಾರದು. ಉಪ್ಪಿನಕಾಯಿ ವರ್ಷಪೂರ್ತಿ ಕೆಡುವುದಿಲ್ಲ.   
Read more